O PRINCIPIÑO: USO EN FORMACIÓN CIDADÁ E PENSAMENTO CRÍTICO

Non é descoñecido que “O Principiño” de Antoine De  Saint- Exupéry leva máis de setenta anos impactando aos seus lectores, pola candidez e doce inocencia con que, aparentemente, o protagonista aprende sobre os personaxes que atopa na súa viaxe. O verdadeiro educador é xustamente este personaxe; un neno de figura fráxil que porta unha forza, convicción e intelixencia que permite que nos ensine valores humanos fundamentais na formación cidadá. Ensina o rol  protagónico que ten a infancia e a capacidade que nenos e nenas teñen para opinar e cuestionar ao mundo adulto en prol de corrixir decisións con egoístas fundamentos. É un texto que anima a pensar e debater.

O principiño.PDF

El principito. ADAPTACIÓN A LECTURA FÁCIL. ONCE. PDF

O libro é curto, e aínda que pode ser complexo nunha primeira lectura para nenos e nenas de menos idade, a súa lectura pode ser facilitada ao contala por partes, sobre todo, nos primeiros anos de escolaridade ou mesmo en educación  infantil.

Unha idea é traballar algúns capítulos desde obras con monicreques por exemplo, ou ben, mediante apoio de recursos dixitais como o seguinte vídeo.

A obra, mostra o valor da empatía e responsabilidade social; estes valores requiren ser potenciados  transversalmente en todo nivel de escolaridade; diso depende que non perdamos o sentido humano imprescindible na educación para lograr unha efectiva formación cidadá onde se instale a cooperación, a comunicación e o diálogo. Por exemplo, para niveis de secundaria, podemos utilizar o seu encontro co faroleiro; alí mostra unha análise sobre o sentido de responsabilidade social. Pódense utilizar diferentes apoios a este respecto; como por exemplo, o do sociólogo polaco  Z. Bauman, falecido aos 91 anos o ano 2017. Este autor deixounos unha serie de reflexións asociadas a varias das ideas do Principiño; por exemplo, na súa obra “Modernidade Líquida”, alude á mesma análise sobre o uso do tempo, sobre o sentido de comunidade, sobre o fin de ser persoas; sobre o egoísmo. Un bo recurso para reforzar esta aprendizaxe. Por tanto, a alianza entre a obra De  Saint  Exupéry e a filosofía, é outra oportunidade para aproveitar este recurso no currículo, non só para a implementación  de valores senón tamén, sobre o uso de pensamento crítico.

FONTE: Adaptación de Paulina Soto Muñoz. Tiching

Seguinte entrada:10 LECCIÓNS QUE NOS DEIXA "O PRINCIPIÑO"