Os teclados virtuais posibilitan a interacción co ordenador, a través do teclado, para alumnos gravemente afectados que non poden manexar os convencionais. Trátase dunha aplicación transparente que presenta un teclado en pantalla co que pode escribirse mediante a selección de teclas por un procedemento de varrido.
Existen, basicamente, dous tipos de varrido. Por unha banda, o lineal, que está aconsellado naquelas ocasións nas que o usuario debe elixir entre un escaso número de opcións. As posibilidades de elección vanse alternando sucesivamente en función dun espazo de tempo que adoita ser programable. Por outra, o varrido matricial, que está indicado para os casos nos que hai que realizar unha elección entre un gran número de posibilidades. Esta selección realízase en virtude da combinación de dúas, unha vertical e outra horizontal.
Algúns exemplos de teclados virtuais son:
- Teclat Magic: aínda que non pode considerarse un teclado virtual é un programa que facilita a escritura a persoas que non poden acceder a un teclado normal pero que, con todo, poden controlar un periférico do tipo joystick ou que poden acceder ao clic de rato a través dun pulsador- interruptor. Admite modalidade de escaneo automático. Outra das opcións de que dispón teclat magic é a posibilidade de servir de comunicador para persoas que teñen dificultades do fala, para iso haberá que ter instalado a síntese de voz UPCTV do PIE. http://www.xtec.net/~jlagares/f2kesp.htm
- Teclado virtual (Miguel Aragüez): é un conxunto de aplicacións que inclúe un procesador de textos, un teclado virtual propiamente dito, un sistema de comunicación, e un panel de comunicación. Acompáñase de tres de xogos: “Busca as parellas”,“Coloca os Iconos” e “Quebracabezas” Junta de Andalucía. Averroes. TECLADO VIRTUAL
- Teclado virtual Edicinco: é un teclado que permite a aquelas persoas que teñen limitadas as súas capacidades motoras escribir sen necesidade de teclear sobre un teclado estándar. Accédese ás pulsacións das teclas virtuais e a diferentes funcións asociadas a elas mediante o desprazamento do cursor, xa sexa a través dun rato convencional ou adaptado asociado ao software Virtual Click, xa sexa mediante o sistema de acceso ao ordenador IRdata 2000. Posúe un sistema de predición de palabras.
- Teclado virtual Art Media: pode activarse de dúas formas distintas: a selección directa a través do clic do rato ou mediante un sistema de temporización que selecciona a tecla sobre a que se atopa o punteiro despois de que este permaneza un tempo inmóbil sobre unha tecla determinada. Posúe un sistema de predición de palabras ou frases que se organiza en función da frecuencia de uso. http://www.ceapat.org/serviciosYProductosProgramas.do?idMaterial=2
- Teclado virtual clic- n- type: permite o acceso por clic de rato e por varrido. Posúe un sistema de predición de palabras. É parametrizable e configurable adaptándoo ás necesidades de cada usuario en concreto. http://cnt.lakefolks.com/es-intro.htm
- Tpwin: é un teclado virtual en pantalla de propósito xeral coas opcións máis frecuentes destes. Pode descargarse en http://www.xtec.es/~jfonoll/tpwin/index_esp.htm
- Preedites: editor de textos predictivo con moitas opcións. Incorpora un teclado virtual e diferentes paneis de introdución de texto. Posúe tamén síntese de voz.
- Teclado “1.0.38” (TotiPm): é un teclado virtual que permite dispoñer dun teclado en pantalla a persoas que non teñen posibilidade de acceso a teclados convencionais. Funciona por escaneo automático activándose a través dun pulsador ou polo son emitido polo usuario e recollIdo a través dun micrófono conectado á tarxeta de son do ordenador. Esta opción resulta moi interesante para persoas con mobilidade moi reducida. http://www.xtec.net/~jlagares/f2kesp.htm
FONTE: cnice. Serie informes
Ningún comentario:
Publicar un comentario