GLIOMA DE TRONCO ENCEFÁLICO

O  glioma de tronco  encefálico infantil é unha enfermidade pola que se forman células benignas (non  cancerosas) ou  malignas ( cancerosas) nos tecidos do tronco  encefálico.

Os  gliomas son tumores que se forman nas células  neurogliales. As células  neurogliales do  encéfalo sosteñen as células nerviosas no seu lugar, lévanlles alimento e osíxeno e protéxenas de enfermidades, como as infeccións. O  glioma de tronco  encefálico afecta as células  gliales do tronco  encefálico.

O tronco  encefálico está formado polo cerebro medio, a  protuberancia e o  bulbo  raquídeo. É a parte máis inferior do  encéfalo e conéctase coa medula  espinal, xusto encima da caluga (parte posterior do pescozo). O tronco  encefálico controla funcións vitais como a respiración, a frecuencia cardíaca e a presión arterial, e os nervios e músculos que se usan para ver, oír, camiñar, falar e comer.

Os signos e síntomas do  glioma de tronco  encefálico infantil non son os mesmos en todos os nenos.

Dependen das seguintes características:

• Lugar do  encéfalo onde se forma o tumor.
• Tamaño do tumor e se se  diseminou polo tronco  encefálico.
• Rapidez con que crece o tumor.
• Idade e estadio do desenvolvemento do neno.

Os signos e síntomas poden ser algún dos seguintes:  

• Dificultade para mover os ollos (os ollos víranse cara a dentro).
• Problemas de visión.
• Dor de cabeza matinal ou dor de cabeza que desaparece despois de  vomitar.
• Náuseas e vómitos.
• Somnolencia fóra do común.
• Perda da capacidade de mover un lado da cara ou o corpo.
• Perda do equilibrio e problemas para camiñar.
• Maior ou menor enerxía que a habitual.
• Cambios de comportamento.
• Dificultade para aprender na escola.

FONTE: NIH Instituto Nacional del Cáncer